30 Mart 2010 / 10:30  Bank of Azerbaijan-ın yeni iri filialı açıldı «Bank of Azerbaijan» filiallarının optimallaşdırılmasına dair siyasətini davam etdirir. Bunun bariz nümunəsi “Novruz” bayramından sonra ilk iş günləri Bankın “Gənclik” metro stansiyası yaxınlığındakı Xoyski küç. 2a ünvanında yerləşən yeni böyük filialının açılışı olmasıdır. Filialın sahəsi 340 m2 təşkil edir və eyni zamanda 10 müştəriyə xidmət göstərilməsi nəzərdə tutulub. Qeyd etmək lazımdır ki, filialın açılışı bankın 2009-cu ilin əvvəlindən başladığı filiallar şəbəkəsinin optimallaşdırılması siyasətinin davamıdır. Bu proses artıq mövcüd olan filialların iriləşdirilməsini və Bakı şəhərində və regionlarda yeni filialların açılmasını nəzərdə tutur. Xatırlatmaq istəyərdik ki, 2009 – cı ilin sonunda «Bank of Azerbaijan»-ın “Elmlər Akademiyası” metro stansiyasının yaxınlığında böyük filialı açılmışdır. «Bank of Azerbaijan»-ın nizamnamə kapitalının həcmi 15 milyon manat, bank aktivlərinin ümumi həcmi isə 144 milyon manatdan çox təşkil edir. Bank daima öz müştərilərini unikal məhsulları ilə sevindirir, ölkənin biznes-qurumlarına və fərdi şəxslərə dəstək verir. 18 Yanvar 2010 / 15:16  «Bank of Azerbaijan»-ın ən iri filialının açılışı baş tutdu 18 yanvar, 2009, Bakı: «Bank of Azerbaijan» filiallarının iriləşdirilməsinə dair siyasətini davam etdirir. Bunun bariz nümunəsi bu gün Bankın “Elmlər Akademiyası” metro stansiyası yaxınlığındakı Landau küç. 6 ünvanında yerləşən filialının açılışı oldu. Qeyd etmək lazımdır ki, bu filial «Bank of Azerbaijan»-ın filialları arasında ən irisidir. Filialın sahəsi 560 m2 təşkil edir və eyni zamanda 10 müştəriyə xidmət göstərmək üçün nəzərdə tutulub. Filialın açılış mərasimində «Bank of Azerbaijan»-ın İdarə Heyətinin Sədri Xəyal Şərif-zadə iştirak edərək vurğuladı ki, bu cür iri filialın açılışı, «Bank of Azerbaijan»-ın 2009-cu ilin əvvəlindən sürdüyü filiallar şəbəkəsinin optimallaşdırılması siyasətinin davamıdır. «2009-cu ilin əvvəlindən başlayaraq, biz filiallar şəbəkəsinin optimallaşdırılması prosesinə başlanğıc vermişik. Bu proses artıq mövcüd olan filialların iriləşdirilməsini və Bakı şəhərində və regionlarda yeni filialların açılmasını nəzərdə tutur. Bankın bu yeni filialı 4 filialın birləşməsi nəticəsində yaranıb. Biz əminik ki, Bankımız müştərilərinə ən yaxşı, yəni daha böyük, rahat və komfortlu filiallarda xidmət göstərməlidir», - deyə Xəyal Şərif-zadə öz çıxışında qeyd etdi. «Bank of Azerbaijan»-ın İdarə Heyətinin Sədrinin sözlərinə əsasən, yeni filialda 30 qədər işçi çalışacaq. Filialın fəaliyyətində bir sıra yeniliklər tətbiq olunacaq. Belə ki, filialda elektron növbə sistemi tətbiq olunacaq. Bununla yanaşı, filialda müştərilərə VİP xidmət və bütün növ bank xidmətləri göstəriləcək. VİP müştərilərə filialda şəxsi menecer xidmət göstərəcək. Bundan əlavə, VİP müştərilər prioritet qaydada depozit seyflərindən yararlanmaq imkanına malik olacaqlar. Yeni filial müştərilər üçün olduqca rahat yerdə yerləşir və müasir parkinqlə təmin olunub. Ümumiyyətlə, əhalinin rahatlığı naminə çalışan «Bank of Azerbaijan», gələcəkdə də metro stansiyaları yaxınlığında və əhalinin sıx yerləşdiyi yerlərdə öz iri filiallarının açılışını davam edəcək. Ən yaxın günlərdə Bank “Gənclik” metro stansiyası yaxınlığında yerləşən növbəti iri filialının açılışını planlaşdırır. Xatırladaq ki, «Bank of Azerbaijan»-ın nizamnamə kapitalının həcmi 15 milyon manat, bank aktivlərinin ümumi həcmi isə 144 milyon manatdan çox təşkil edir. Bank daima öz müştərilərini unikal məhsulları ilə sevindirir, ölkənin biznes-qurumlarına və fərdi şəxslərə dəstək verir. 15 Yanvar 2010 / 09:45  «Bank of Azerbaijan»-ın maliyyə dəstəyi ilə Azərbaycanlı qadın yazıçıların daha 2 kitabının təqdimatı baş tutdu  M.F.Axundov adına Milli Kitabxanada «Bank of Azerbaijan»-ın maliyyə dəstəyi ilə nəşr olunmuş növbəti kitabların təqdimat mərasimi baş tutdu. Yazıçılar Günel Anarqızının və Afaq Məsudun kitablarının təqdimatı keçirilmişdir. Korporativ Sosial Məsuliyyət çərçivəsində reallaşdırılan bu təqdimat «Bank of Azerbaijan», «525-ci» qəzet və Azərbaycan Yazıçılar İttifaqının «Ədəbiyyata olan sevgini dəstəkləyirik» adlı birgə layihəsinin davamıdır. Təqdimat mərasimində «Bank of Azerbaijan»-ın idarə heyətinin sədri Xəyal Şərif-zadə, Yazıçılar Birliyinin katibi və «525-ci» qəzetin baş redaktoru Rəşad Məcid, yazıçılar Günel Anarqızı və Afaq Məsud, millət vəkili Aqil Abbas və ölkənin digər görkəmli ictimai xadimləri iştirak etdilər. Çıxış edənlər reallaşdırılan layihənin mahiyyətini və onun ictimayyət üçün faydasını xüsusi vurğuladılar. «Bank of Azerbaijan»-ın idarə heyətinin sədri öz çıxışında ölkənin bütün biznes-qurumlarını sosial əhəmiyyətli layihələri dəstəkləməyə çağırdı. «Diqqəti yalnız kommersiya xarakterli layihələrə yönəltmək düzgün deyil. Sosial layihələrə dəstəyin göstərilməsi öz imici və nüfuzu haqda fikirləşən hər bir şirkətin borcudur. «Bank of Azerbaijan» sosial yönlü bank olduğu üçün hər zaman analoji layihələri dəstəkləyəcək», - deyə X.Şərif-zadə qeyd etdi. Azərbaycan Yazıçılar Birliyinin katibi Rəşad Məcid öz çıxışında «Bank of Azerbaijan»-a öz minnətdarlığını və gələcəkdə birgə əməkdaşlıq edəcəyinə ümid bəslədiyini birdirdi. «Bank of Azerbaijan»-ın kommunikasiya şöbəsinin rəhbəri Rüfət Abbasov qeyd etdi ki, bank bundan sonra da “Ədəbiyyata Sevginizi Dəstəkləyirik” layihəsini davam edəcək. Bununla yanaşı, R.Abbasov vurğuladı ki, «Bank of Azerbaijan» bu il Korporativ Sosial Məsuliyyət çərçivəsində kifayyət qədər iri və ambisiyalı layihələri reallaşdırmaq niyyətindədir. Təqdimat mərasimində həmçinin millət vəkili Aqil Abbas çıxış edərək “Ədəbiyyata Sevginizi Dəstəkləyirik” kampaniyasının Azərbaycan ictimayyəti üçün çox vacib olduğunu qeyd etdi. «Layihənin gənc istedadlara istiqamətlənməsi çox önəmlidir. «Bank of Azerbaijan», “525-ci qəzet” və Azərbaycan Yazıçılar Birliyi cəmiyyətdə ədəbiyyata marağın artması naminə çalışırlar. Və bu qiymətsizdir», - deyə, Aqil Abbas vurğuladı. Sonra isə, söz Günel Anarqızı və Afaq Məsuda verilmişdir ki, onlar da kitabın nəşr olunması ilə əlaqədar olaraq təşkilatçılara öz minnətdarlıqlarını bildirdilər. «Biznes-qurumların ədəbiyyata qayğısı və marağı bizi daha keyfiyyətli yaradıcılığa sövq edir. Əməyimizin qiymətləndirilməsini və ona lazımi diqqətin verilməsini dərk etmək çox xoşdur», - deyə, xanım yazıçılar bildirdilər. Xatırladaq ki, “Ədəbiyyata Sevginizi Dəstəkləyirik” layihəsinin əsas məqsədi – Azərbaycan ədəbiyyatının inkişaf etdirilməsidir. Dərc olunmuş kitablar ölkə kitabxanalarına, «Bank of Azerbaijan»-ın VIP müştərilərinə və «525-ci» qəzetin abunəçilərinə pulsuz paylanılır. Seriyanın redaktoru Səlim Babullaoğludur. Hal-hazırda “Ədəbiyyata Sevginizi Dəstəkləyirik” layihəsi çərçivəsində Nürəngiz Günün, Afaq Məsudun və Günel Anarqızının əsərləri artıq nəşr olunub. Yaxın gələcəkdə gənc Azərbaycan xanım yazıçılarının daha bir neçə əsəri nəşr olunacaq. 09 Dekabr 2009 / 15:20  «Bank of Azerbaijan-ın dəstəyi ilə nəşr olunmuş kitabların təqdimat mərasimi baş tutdu»  Azərbaycan Yazıçılar Birliyində iki kitabın - şairə Nurəngiz Günün və Azərbaycan qadın yazıçılarının seçilmiş əsərlər toplusunun təqdimat mərasimi baş tutdu. Kitablar, «Bank of Azerbaijan», Azərbaycan Yazıçılar Birliyi və «525-ci» qəzet tərəfindən reallaşan «Ədəbiyyata Sevginizi Dəstəkləyirik» adlı yeni layihəsi çərçivəsində nəşr olunublar. Təqdimat mərasimində Azərbaycanın görkəmli ictimai xadimləri iştirak etdilər. Azərbaycan Yazıçılar Birliyinin katibi, «525-çi» qəzetin baş redaktoru Rəşad Məcid öz çıxışında bu tədbirin mahiyyətini xüsusilə vurğuladı. «Bu günkü mərasim Azərbaycan ictimayyəti üçün xüsusi önəm daşıyır. Bu təqdimat ictimayyətdə ədəbiyyata olan sevginin oyanmasını göstərir. Kitabların nəşri ilə əlaqədar olan bütün xərcləri öz üzərinə götürmüş «Bank of Azerbaijan»-ın da bu layihənin gercəklənməsində böyük rolu oldu. İnanmaq istərdim ki, digər biznes-qurumlar da, «Bank of Azerbaijan»-dan nümunə götürərək, müxtəlif ədəbiyyat layihələrində iştirak edəcəklər », - deyə R.Məcid bildirdi. «Bank of Azerbaijan»-ın Kommunikasiyalar Şöbəsinin rəhbəri Rüfət Abbasov öz növbəsində qeyd etdi ki, Bank bu lahiyədə iştirakı ilə fəxr edir. «Lakin biz əldə olunan nailiyyətlərlə kifayyətlənmək niyyətində deyilik. Bu layihə, «Bank of Azerbaijan»-ın fəaliyyətinin prioritet istiqamətlərindən biri olan Korporativ Sosial Məsuliyyət çərçivəsində reallaşdırılmışdır. «Bank of Azerbaijan»-ın əsas məqsədi – cəmiyyətimizə xidmət etməkdir. KSM üzrə ümumi strategiyamız «Cəmiyyətə Sevginizi Dəstəkləyirik» şüarı altında həyata keçirilir. Bu şüar hər bir layihəmizdə öz əksini tapacaq», - deyə çıxışının sonunda Rüfət Abbasov vurğuladı. Şeirlər toplusunun təqdimatı keçirilmiş məşhur Azərbaycan şairəsi Nurəngiz Gün Azərbaycan Yazıçılar Birliyinə, «525-ci» qəzetə və «Bank of Azerbaijan»-a öz dərin minnətdarlığını bildirdi.: «Tamamilə yad insanlara kömək etdiyinizi dərk etmək xoşdur. «Ədəbiyyata Sevginizi Dəstəkləyirik» layihəsi ən xoş sözlərə layiqdir. Ümid edirəm ki, «Bank of Azerbaijan» daima bizim etibarlı dostumuz və yardımçımız olacaq», - deyə N.Gün qeyd etdi. Xatırladaq ki, «Ədəbiyyata Sevginizi Dəstəkləyirik» layihəsi Azərbaycan ədəbiyyatının inkişafı və cavan istedadların dəstəklənməsi məqsədini daşıyır. Kitablar ölkənin kitabxanalarına, «Bank of Azerbaijan»-ın VIP müştərilərinə və «525-ci» qəzetin abunəçilərinə pulsuz paylanacaq. Seriyanın redaktoru Səlim Babullaoğludur. Yaxın zamanlarda layihə çərçivəsində Afaq Məsud, Günel Anarqızı və Aysel Əlizadənin əsərləri dərc olunacaq. 02 Dekabr 2009 / 10:20  «Bank of Azerbaijan» - «Ədəbiyyata sevginizi dəstəkləyirik»  «Bank of Azerbaijan» Azərbaycan Yazıçılar İttifaqı və «525-ci» qəzet ilə birgə «Ədəbiyyata sevginizi dəstəkləyirik» adlı yeni layihəyə start verir. Korporativ Sosial Məsuliyyət çərçivəsində reallaşdırılan bu layihə müddətində «Bank of Azerbaijan»-ın maliyyə dəstəyi ilə cavan yazıçıların əsərləri dərc olunacaq. Layihənin əsas məqsədi Azərbaycan ədəbiyyatının inkişaf etdirilməsi və cavan istedadların dəstəklənməsidir. Dərc olunmuş kitablar ölkə kitabxanalarına, «Bank of Azerbaijan»-ın VİP müştərilərinə və «525-ci» qəzetin abunəçilərinə pulsuz çatdırılacaq. Beləliklə, unikal əsərlər geniş auditoriya üçün əlçatan olacaq. «Bank Korporativ Sosial Məsulliyyətə xüsusi diqqət yetirir. Mədəniyyətlə əlaqədar olan layihələr KSM-də mühüm rol oynayır. Mədəniyyətin müxtəlif sahələrinin dəstəklənməsi «Bank of Azerbaijan»-ın yaxşı ənənəsinə çevrilir. Biz əminik ki, hər bir vətəndaş Azərbaycan mədəniyyətinin inkişafına öz töhfəsini verməlidir», - deyə Bankın İdarə Heyətinin Sədri Xəyal Şərif-zadə bildirdi. «Bank of Azerbaijan»-ın bu layihədə iştirakını Azərbaycan Yazıçılar İttifaqının katibi, «525-ci» qəzetin baş redaktoru Rəşad Məcid yüksək qiymətləndirdi. «Ədəbiyyatı, yazışıları dəstəkləyən hər bir biznes-qurum dərin hörmətə layiqdir. Bu layihə, mənəvi dəyərlərin saxlanılmasına və ölkəmizin gələcək nəsillərinə dəstək göstərilməsinə öz töhfəsini verəcək. İnanmaq istəyirəm ki, gələcəkdə ədəbiyyatı dəstəkləyən biznes-qurumların sayı getdikcə artacaq», - deyə, Rəşad Məcid qeyd etdi. Xatırladaq ki, Bank, müxtəlif mədəniyyət tədbirlərinin dəstəklənməsi çərçivəsində artıq bir sıra aksiyaları reallaşdırıb. Cari ilin sentyabr ayında «Bank of Azerbaijan» Azərbaycan ictimaiyyətinin böyük marağına səbəb olan «Şərq-Qərb» kinofestivalının rəsmi sponsoru qismində çıxış etmişdir. «Şərq-Qərb» festivalının təşkilatçılığı çərçivəsində Bank «Mədəniyyətə olan sevgini dəstəkləyirik» şüarı altında geniş miqyaslı kampaniya keçirib. Yaxın gələcəkdə «Bank of Azerbaijan» həmçinin «Təbiətə sevginizi dəstəkləyirik», «Uşaqlara sevginizi dəstəkləyirik», «Şəhərə sevginizi dəstəkləyirik» və s. şüarları altında bir sıra maraqlı Sosial layihələrin reallaşdırılmasını planlaşdırır. 20 Noyabr 2009 / 11:00  Bank of Azerbaijan Nizamnamə kapitalını 25 milyon manata qədər artırmaq niyyətindədir  Qiymətli Kağızlar üzrə Dövlət Komitəsi tərəfindən "Bank of Azerbaijan"-ın ümumi nominal qiyməti 10 milyon manat təşkil edən adi adlı sənədsiz səhmlərinin emissiyası prospekti qeydə alınıb. Yeni emissiya zamanı bazara nominal qiyməti 20 manat təşkil edən cəmi 500 min səhm buraxılacaq. Beləliklə, səhmlərin elan olunan miqdarının yerləşməsindən sonra "Bank of Azerbaijan"-ın nizamnamə kapitalı 25 milyon manata çatacaq. Yerləşdirilmə 2009-cu ilin dekabr ayından 2010-cu ilin dekabr ayınadək Bakı Fond Birjasında kütləvi təklif üsulu ilə həyata keçiriləcək. Səhmləri əldə etmək arzusunda olan şəxslər broker lisenziyasına malik olan və “Bakı Fond Birjası” QSC-nin üzvü olan və broker lisenziyasına malik olan təşkilata müraciət edə bilərlər. "Bank of Azerbaijan"-ın adi adlı sənədsiz səhmlərinin emissiyası prospekti Bakı Fond Birjasının saytında “Emitentlər” bölməsində yerləşdirilib. ”Bizim əsas məqsədlərimizdən biri 2010-cu ilin sonunadək ölkənin aparıcı on bankı sırasına daxil olmaqdır, və nizamnamə kapitalının planlaşdırılmış artırılması bu məqsədə nail olmaq üçün vacib bir addımdır”, - deyə "Bank of Azerbaijan"-ın İdarə Heyətinin Sədri Xəyal Şərifzadə bildirib. Qeyd edək ki, hal-hazırda "Bank of Azerbaijan" əhaliyə geniş spektrdə xidmətlər göstərir. 2009-cu ilin ilk 9 ayının nəticələrinə görə Bank yüksək nailiyyətlər əldə edib. Belə ki, Bank aktivlərinin ümumi həcmi 32,89% artaraq, 144 530 630 manat təşkil edib, kredit portfeli - 24,71%, depozit portfeli isə 41,72% artıb. 05 Noyabr 2009 / 14:40  «Bank of Azerbaijan» «Azercell» abonentləri olan «BizKlub»-un üzvləri üçün inanılmaz imtiyazlar verir  Daima öz müştərilərinin imkanlarının genişləndirilməsi haqda düşünən «Bank of Azerbaijan», «BizKlub»-a üzv oldu. Bundan sonra «BizKlub»-un üzvləri olan «Azercell» abonentlərinə müxtəlif güzəştlərdən yararlanmaq imkanı veriləcək. Beləliklə, «Bank of Azerbaijan»-da hesab açan «BizKlub»-un hər bir üzvünə aşağıdakı imtiyazlar verilir: üçüncü şəxsin adına bank əmanətini rəsmiləşdirmək; ona rahat olan sxemlə əmanətdən faizlər əldə etmək; hesaba toxunmadan pullardan istifadə etmək. Bundan başqa, «BizKlub»-un hər bir üzvünə hədiyyə olaraq «Bank of Azerbaijan»-ın plastik kartı təqdim olunacaq. Bu kart onun qarşısında aşağıda qeyd olunan geniş imkanlar açacaq: «MobilBank» xidmətinə pulsuz qoşulma; mobil telefon vasitəsilə kommunal xidmətlərin komissiyon haqqı olmadan ödənməsi; plastik kartdakı qalıq pula və pul dövriyyəsinə real rejimdə müşahidə edilməsi. «BizKlub»-un üzvləri kreditləşmə xidmətlərindən daha sərfəli şərtlərlə yararlana bilərlər: xüsusi analiz nəticəsində alınmış məbləğdən 10% daha çox kreditin verilməsi; kreditə 0,5-dən 2%-dək güzəşt. Xatırladaq, ki «BizKlub» - «Azercell»-in fakturalı xətt abonentləri və korporativ abonentləri üçün nəzərdə tutulmuş sərfəli danışıq, müxtəlif güzəşt və endirimlər klubudur. «Bank of Azerbaijan»-ın «BizKlub»-a qəbul olunması nəticəsində əmanətçilər üçün çoxsaylı yeni imkanlar açılır. Bank bundan sonra da öz müştəriləri ilə tərəfdaşlı və etibarlı münasibətlərin qurulması istiqamətində uğurlu siyasət aparacaq. Qeyd edək ki, «Bank of Azerbaijan»-ın nizamnamə kapitalının həcmi 15 000 000 manat, bank aktivlərinin ümumi həcmi isə 144 milyon manatdan çox təşkil edir. 28 oktyabr 2009 / 09:40  “Bank of Azerbaijan"-a qoyulan əmanətlərin sayı artıb

Cari ilin 9 ayı ərzində «Bank of Azerbaijan» Azərbaycanın maliyyə bazarında öz vəziyyətini bir qədər də möhkəmləndirib. «Bank of Azerbaijan» yüksək maliyyə nəticələri əldə etməklə, öz müvəffəqiyyətli fəaliyyətinin gələcəkdə də davam etdirilməsi üçün geniş perspektivlərin açılmasına nail olub. Cari ilin oktyabr ayının 1-nə olan məlumata əsasən Bank aktivlərinin ümumi həcmi 32,89% artaraq, 144 530 630 manat təşkil edir. Bu ilin əvvəlində həmin göstərici 108 755 750 manat təşkil edirdi. «Bank of Azerbaijan»-nın nizamnamə kapitalı 15 000 000 manatadək artıb, bu isə ilin əvvəlinə nisbətən 2,49 % daha yüksəkdir. «Bank of Azerbaijan»-nın dinmaik inkişafı və etibarlılığı maliyyə hesabatın digər göstəriciləri ilə də təsdiq olunur. Məlum olduğu kimi, «Bank of Azerbaijan» uzunmüddətli əməkdaşlıq məqsədilə etibarlı müştərilərin cəlb olunmasına istiqamətlənmiş kredit siyasətini reallaşdırır. Bankın kredit portfeli 2009-cu ildə 24,71 % artıb. Cari ilin 9 ayı ərzində cəmi 113 331 550 manat həcmində kreditlər verilib. Bu ilin yanvar ayının 1-nə olan məlumatlara əsasən həmin göstərici 90 873 830 manat təşkil edirdi. 2009-cu ilin 9 ayı ərzində Bankın depozit portfeli 41,72% artıb. Belə ki, 1 yanvar 2009-cu il tarixinə olan məlumatlara əsasən onun həcmi 42 489 830 manat təşkil edirdisə, cari ilin 1 oktyabr tarixinə olan məlumatlara əsasən depozit portfeli artıq 60 218 560 manat təşkil edir. «Bank of Azerbaijan» öz fəaliyyətində müştərilərlə aparılan işə xüsusi yer ayırır. Müştərilərə keyfiyyətli xidmətin göstərilməsi, onların problemlərinə diqqətlə yanaşma sayəsində fiziki şəxslər tərəfindən qoyulan müddətli əmanətlərin sayı 67,07 % artıb. 1 oktyabr 2009-cu il tarixinə müddətli əmanətlərin həcmi 50 402 610 manat təşkil edir, həmin ilin yanvar ayında isə bu göstərici 30 168 190 manat təşkil edirdi. Qeyd edək ki, «Bank of Azerbaijan» daima öz müştərilərini unikal məhsullarla sevindirir, ölkənin biznes-strukturlarına və fərdi şəxslərə böyük dəstək verir. Bu gün «Bank of Azerbaijan» ipoteka kreditini vermək hüququna malik 18 yerli banklar sırasına daxildir.

07 oktyabr 2009 / 11:10  “Bank of Azerbaijan” tenderlər üzrə sənədlərin qəbul vaxtını uzadıldı

Özünü maddi-texniki bazasının təkmilləşdirilməsi məqsədilə Bank of Azerbaijan aşağıdakı istiqamətlər üzrə tenderlərin keçirilməsini elan edir:  Mebel təminatı Yanğından mühafizə siqnalizasiyası Videoizləmə sistemi Keçid-buraxılış sistemi Elektron növbə sistemi VRV çox zonal kondisionerlər sistemi Modul seyflər Şəbəkədaxili sistem Lift təminatı  Tenderlərdə iştirak üçün müraciətlərin qəbul müddəti 2009-cu il 16 oktyabra qədər uzadılıb. Tenderlərdə iştirak müraciətləri müraciət edən şirkət və namizəd şirkətin təkflif etdiyi həll variantları barədə ümumi məlumatı əks etdirməlidir. Namizədin dərəcəli seçimi uğurla keçdiyi təqdirdə, tender komissiyası bu haqda ona məlumat verəcək və tender sənədlərin alınması məqsədilə həmin namizədin nümayəndəsini dəvət edəcəkdir. Dərəcəli seçimi keçməmiş namizədlərə yazılı bildiriş göndəriləcəkdir. Tenderdə iştirak etmək istəyənlər bu email ünvanı vasiətəsilə əlaqə yarada bilərlər: tender@bank.az

26 sentyabr 2009 / 11:30  Bank of Azerbaijan Filial şəbəkəsini optimallaşdırır

17 İyul 2009 / 12:15  Bank of Azerbaijan-da ISO standartları üzrə seminar keçirildi Cümə günü Bank of Azerbaijan-nın baş ofisində Quality Veritas Inc. konsaltinq şirkətinin rəhbəri Boris Şetinskiy tərəfindən seminar keçirildi. Seminarda bank nümayəndələri, həmçinin Qarant sığorta şirkətinin əməkdaşları iştirak etdilər. ISO standarlarına həsr edilmiş seminar, iştirakçıların söylədiyinə görə, çox maraqlı idi və mehriban mühitdə keçdi. Seminardan sonra bütün iştirakçılara sertifikatlar təqdim edildi.   03 İyul 2009 / 10:15  Bank of Azerbaijan:İpoteka bərpa olunduqdan sonra ilk ipoteka krediti verilib  İpoteka kreditləşməsi proqramı bərpa olunduqdan sonra Bank of Azerbaijan bu həftə ərzində ilk ipoteka kreditini verib. İpoteka kreditləşməsi proqramı üzrə bankın ilk borc alanı 33 yaşlı Malik Nəsirov oldu. Kreditin məbləği 46 410 manat, müddəti isə 25 il təşkil edir. Malik Nəsirov tərəfindən əldə olunmuş iki otaqlı mənzil ikincili mənzil bazarına aiddir. Malik Nəsirov banka iyun ayının ortalarında müraciət etmişdir, və sənədlərin araşdırılmasına 1 ay ayrıldığına baxmayaraq, əməkdaşların operativ fəaliyyəti sayəsində, o, artıq iki həftədən sonra Bank of Azerbaijan-ın ilk ipoteka kreditinin sahibi oldu. Bank of Azerbaijan gələcəkdə də hər bir müştəriyə diqqətlə yanaşaraq və ipoteka kreditləşməsinin bərpa olunması ideyasını bütövlüklə dəstəkləyərək, ipoteka kreditlərini fəal surətdə vermək niyyətindədir. Onu da qeyd etmək istərdik ki, İpoteka Fondunun şərtlərinə uyğun olaraq Bank of Azerbaijan həmçinin güzəştli ipoteka kreditləri də verir. Hal-hazırda Bank of Azerbaijan ipoteka kreditini vermək hüququna malik 18 yerli banklar sırasına daxildir. 29 İyun 2009 / 15:56  Bank of Azerbaijan və Qarant Sığorta-nın sayəsində dünyanın ən peşəkar satıcısı Azərbaycan tələbələri üçün məruzə oxudu  Avropada satış treninqləri üzrə 1№-li mütəxəssis və “Dünyanın ən yaxşı satıcısı” beynəlxalq tituluna sahib olan Maykl Benq Bakıya gəlib. Bank of Azerbaijan və Qarant Sığorta-nın dəvəti ilə Azərbaycana gələn dünya səviyyəli peşəkar iyunun 25-də Azərbaycan Dövlət İqtisadiyyat Universitetində “İrəli” gənclər birliyinin 200-dək üzvü üçün «Dünya böhranı şəraitində biznesi necə inkişaf etdirmək» və «Açıq Çıxışların Ustalığı» mövzularında seminarlar keçirdi. Bank of Azerbaijan və Qarant Sığorta qeyd etdiyi kimi, bu tədbir Azərbaycan gənclərinin intelektual inkişafına və öz potensialının kəşf edilməsinə dəstək siyasəti çərçivəsində keçirilən növbəti layihədən biri idi. Bu yaxınlarda şirkətlər bu istiqamətdə daha bir neçə böyük layihəyə imza ataçaqlar. Bakıya səfəri çərçivəsində Maykl Benq eyni zamanda iyunun 29-30 tarixlərində Azərbaycanlı iş adamları üçün seminarlar keçirir və tədbirlərin bütün xərcləri Bank of Azerbaijan və Qarant Sığorta şirkətləri tərəfindən ödənilib. Bank of Azerbaijan və Qarant Sığorta şirkətlərinin Azərbaycan biznes cəmiyyəti üçün bu cür miqyaslı tədbirin keçirilməsində məqsədi Azərbaycan şirkətlərinə ümumdünya iqtisadi böhranın nəticələrini daha asan və tez - yeni ideyalar və bacarıqları praktiki öyrətmək yolu ilə - fəthinə kömək etməkdir. 25 Iyun 2009 / 12:30  Bank of Azerbaijan-ın «Rahat Depoziti» «Əmanətlərin sığortalanması haqqında Qanunun» şərtlərinə uyğundur

Bank of Azerbaijan məmnuniyyətlə məlumat verir ki, cari ilin iyunun 1-dən işə salınmış və ölkə əhalisi arasında kifayyət qədər populyarlıq qazanmış bankın “Rahat Depozit” adlı yeni məhsulu bu yaxınlarda «Əmanətlərin sığortalanması haqqında Qanuna” əlavə edilmiş və Milli Məclis tərəfindən qəbul olunmuş dəyişikliklərə uyğundur. Belə ki, «Əmanətlərin sığortalanması haqqında Qanuna” əlavə edilmiş dəyişikliyə əsasən, Bank of Azerbaijan-ın üzv olduğu Əmanətlərin sığortalanması fondu depozit dərəcəsi 15%-dən artıq olmamaq şərti ilə 30 min manatədək məbləğində olan depozitləri sığortalayır. Burada «Rahat Depozit» məhsulunun şərtlərini xatırlatmaq yerinə düşərdi, çünki onun şərtlərinə əsasən depozitin faiz dərəcəsi 14% bərabərdir. Beləliklə, bizim yeni məhsulumuza əsasən siz depozit yerləşdirməklə: 1) Hər ay dividendlər ala bilərsiniz; 2) Depozitin həcmindən 30, 50 və ya 70% bərabər olan məbləğdə kredit xəttindən yararlana bilərsiniz; 3) Faizləri depozitdən aldığınız 14%-dən az, yəni 12%-li kredit xətti ilə ödəyirsiniz; 4) Əmanətinizi, heç bir şeylə risk etmədən, sığortalamış olursunuz. «Rahat Depozit» məhsulu haqqda ətraflı məlumatı Bank of Azerbaijan-ın Məlumat Mərkəzinə 175 qısa nömrəsinə zəng etməklə və ya bankın rəsmi saytına - www.bank.az daxil olmaqla əldə etmək olar.

17 Iyun 2009 / 15:00  USAID-in dəstəyi ilə Bank of Azerbaijan-da kredit mütəxəssisləri üçün treninqlərə start verildi

Bu həftə Bank of Azerbaijan-ın baş ofisində amerikanın məşhur kredit mütəxəssisi, bu sahədə 24-illik iş təcrübəsinə malik olan Cen Berişin beşgünlük treninqlərinə start verildi.
Bankın kredit mütəxəssislərinin iştirak etdiyi treninqlər aşağıdakı mövzular üzrə keçirilir: «Kiçik və orta biznesdə nağd vəsait axınının təhlili və proqnozu», «Kiçik və orta biznes üçün nağd vəsait axınının aylıq proqnozu», «Əmsallardan istifadə və maliyyə hesabatları ilə əlaqə», «Qısamüddətli aktivlərin dəyərinin hesablanması», «Nağd vəsait axınının proqnozları: Təhlil və təmayüllər; dəyişikliklərin təsirinin təhlili».
Qeyd edək ki, Cen Berişin treninqləri USAID-in ölkədə kiçik və orta sahibkarlığın inkişafına həsr olunmuş layihəsi çərçivəsində həyata keçirilir. Bank of Azerbaijan-ın bu layihədə iştirakına dair razılıq bankın sədri Xəyal Şərif-zadə və USAID-in Bakı ofisinin başçısı Pol Devis arasındakı bu günlərdə keçirilən görüşü zamanı əldə olunmuşdur. Nəticədə, Bank of Azerbaijan ölkə bankları arasında qrant almış bir neçə banklardan biri olmuşdur ki, bunun da əsasında banka Chemonics International Inc. tərəfindən texniki dəstək göstərilir.
Тexniki dəstək il boyunca bir neçə mərhələdə aparılır. Buraya, yuxarıda qeyd etdiyimiz Bank of Azerbaijan-ın kredit mütəxəssisləri üçün treninqlərin keçirilməsi, kreditləşmənin yeni bank standartlarının işlənib hazırlanması məqsədilə konsaltinq xidmətlərinin göstərilməsi, mövcud məhsulların optimallaşdırılması və yeni məhsulların inkişaf etdirilməsi daxildir.
Bank of Azerbaijan-ın bu cür layihələrdə iştirakı, müştərilərə ən yüksən səviyyədə xidmətlərin göstərilməsi məqsədilə əməkdaşların ixtisasının təkmilləşdirilməsi baxımından bankın institusional və innovasion inkişaf siyasətində mühüm rol oynayır və bir daha bu siyasətə sadiq olmasını təsdiq edir.
 

11 Iyun 2009 / 15:00  Bank of Azerbaijan-da fiziki şəxslərin əmanətləri 43% artıb

Bank of Azerbaijan-ın fiziki şəxslərinin depozit portfeli ilin əvvəlinə nisbətən 41% artaraq 46 698 000 manata çatıb, yəni portfel artımı 13 553 000 manat təşkil edir. Bu barədə birbaşa bankın özündən məlumat verilib. Eyni zamanda əhalinin təcili əmanətləri beş ay ərzində 43% artmışdır.
Hal-hazırda bank müştərilərə digər depozitlərlə yanaşı «Progressiv» və «Rahat Depozit» depozitlərini də təqdim edir.
«Progressiv» depoziti müştərilərə pul əmanətlərini manat, dollar və ya avroda çox sərfəli faiz dərəcələri – 17%, 18% və 19% ilə yerləşdirmək imkanını verir. Eyni zamanda depozit üzrə dividendləri hər ay almaq mümkündür.
1 iyun tarixində əhaliyə təqdim olunmuş “Rahat Depozit” məhsulu, öz növbəsində, böyük marağa səbəb olub və artıq ilk günlərdən ona olan tələbat kifayət qədər yüksək idi.
Məhsulun mahiyyəti çox sadədir. Bank of Azerbaijan-da deposit yerləşdirərək müştəri əmanətin məbləğinin 70%-nədək kredit xəttini açaraq istənilən zaman bu vəsaitdən yararlana bilər. Ən maraqlısı ondan ibarətdir ki, əmanətə hesablanan dividendlər 14% təşkil edərək, kredit xətti ilə hesablanan və 12% təşkil edən dividendlərdən yüksəkdir. Eyni zamanda, depozit üzrə dividendlərin istənilən halda depozitin tam məbləğinə hesablandığına baxmayaraq, onların hər ay alınması mümkündür.
Bankın məhsulları haqqda ətraflı məlumatı www.bank.az saytından və qısa nömrə - 175 vasitəsilə Məlumat mərkəzi ilə əlaqə saxlamaqla əldə etmək olar.

11 Iyun 2009 / 15:00  Bank of Azerbaijan-da fiziki şəxslərin əmanətləri 43% artıb

Bank of Azerbaijan-ın fiziki şəxslərinin depozit portfeli ilin əvvəlinə nisbətən 41% artaraq 46 698 000 manata çatıb, yəni portfel artımı 13 553 000 manat təşkil edir. Bu barədə birbaşa bankın özündən məlumat verilib. Eyni zamanda əhalinin təcili əmanətləri beş ay ərzində 43% artmışdır. Hal-hazırda bank müştərilərə digər depozitlərlə yanaşı «Progressiv» və «Rahat Depozit» depozitlərini də təqdim edir. «Progressiv» depoziti müştərilərə pul əmanətlərini manat, dollar və ya avroda çox sərfəli faiz dərəcələri – 17%, 18% və 19% ilə yerləşdirmək imkanını verir. Eyni zamanda depozit üzrə dividendləri hər ay almaq mümkündür. 1 iyun tarixində əhaliyə təqdim olunmuş “Rahat Depozit” məhsulu, öz növbəsində, böyük marağa səbəb olub və artıq ilk günlərdən ona olan tələbat kifayət qədər yüksək idi. Məhsulun mahiyyəti çox sadədir. Bank of Azerbaijan-da deposit yerləşdirərək müştəri əmanətin məbləğinin 70%-nədək kredit xəttini açaraq istənilən zaman bu vəsaitdən yararlana bilər. Ən maraqlısı ondan ibarətdir ki, əmanətə hesablanan dividendlər 14% təşkil edərək, kredit xətti ilə hesablanan və 12% təşkil edən dividendlərdən yüksəkdir. Eyni zamanda, depozit üzrə dividendlərin istənilən halda depozitin tam məbləğinə hesablandığına baxmayaraq, onların hər ay alınması mümkündür. Bankın məhsulları haqqda ətraflı məlumatı www.bank.az saytından və qısa nömrə - 175 vasitəsilə Məlumat mərkəzi ilə əlaqə saxlamaqla əldə etmək olar.

30 May 2009 / 22:00  Bank of Azerbaijan-dan yeni “Rahat Depozit” məhsulu!

Bank of Azerbaijan iyunun 1-dən etibarən yeni unikal məhsulu - “Rahat Depozit”-ini istifadəyə verməsi haqqda elan edir! Bizim bankda depoziti yerləşdirməklə, siz istənilən an öz vəsaitlərinizdən istifadə edə bilərsiniz. Buna, 30, 50 və ya 70% həcmində məbləğə açıla bilən kredit xətti vasitəsilə nail olmaq olar.

Bu məhsulun unikallığı eyni zamanda bir neçə amildən ibarətdir:

Depozit üzrə faizlər – illik 14% - istənilən halda depozitin tam məbləğinə hesablanır. Depozitin yerləşdirilməsi müddəti ən azı bir il təşkil edir.
Depozit üzrə faizləri hər ay götürmək olar.
Kredit xətti üzrə faiz dərəcəsi – 12%-dən başlayır, bu isə istənilən halda depozit üzrə hesablanmış faizlərə nisbətən daha kiçik rəqəmdir.
Beləliklə, nəinki müştərinin depoziti onun üçün əlçatan olur və o depozit üzrə faizləri almaq imkanını əldə edir, hətta müştəri bundan udmuş olur, çünki kredit üzrə ödənilən faizlər depozit üzrə hesablanmış faizlərə nisbətən daha azdır.

Bank of Azerbaijan ölkə əhalisinin rifahının qayğısına qalaraq, əhaliyə hər dəfə yeni məhsulları təqdim etməkdə və sevindirməkdə davam edir.

“Rahat Depozit" haqqında ətraflı məlumatı 175 qısa nömrəsi vasitəsilə Məlumat mərkəzlə əlaqə saxlayaraq əldə etmək olar.

29 May 2009 / 12:00  Bank of Azerbaijan daha da yaxın və əlçatan oldu!

Bank of Azerbaijan, bankın baş ofisində ölkə əhalisinin banka maksimal dərəcədə yaxınlaşdırılmasına xidmət edəcək Məlumat mərkəzin (Call Center) istifadəyə verilməsinə dair bütün işlərin yekunlaşmasını elan edir.
Bu gündən etibarən, bankla əlaqə yaratmaq üçün Sizdən yeddi rəqəmli telefon nömrələrinin yığılması tələb olunmayacaq. Cəmi üç rəqəmin - 175 yığılması kifayyətdir və Məlumat mərkəzin əməkdaşları 09.00-dan 18.00-dək sizin xidmətinizdə olacaqlar. Bizə, həm stasionar telefonlardan, həm də istənilən mobil operator vasitəsilə zəng vurmaq olar.
175 qısa nömrəsini yığmaqla, Siz həm bankın özü, həm də onun məhsulları və xidmətləri haqqında ətraflı məlumat ala bilərsiniz. Əgər Siz bankımızın müştərisisinizsə, bu halda hesabınızın vəziyyəti, kreditiniz haqqında məlumat əldə etmək imkanını qazanacaqsınız, bank isə öz növbəsində məlumatın məxfiliyinə zəmanət verir. Bank of Azerbaijan Sizə bizimlə işləmək və ünsiyyətdə olmağınızın rahatlığının təmin olunması naminə daim çalışır. İndi isə 175 nömrəsi ilə.

09 May 2009 / 22:00  Bank of Azerbaijan MAY aksiyasını başlayır

Bank of Azerbaijan-ın bu ayın sonunadək davam edəcək МАY (Manat AL və Yerləşdir) adlı aksiyası ölkə əhalisinin xoş təəcüblənməsinə yönəlib. Aksiyanın mahiyyəti olduqca sadədir – biz dollarları manata

ÖLKƏDƏ ƏN YÜKSƏK MƏZƏNNƏ ilə 1$=0, 81 AZN DƏYİŞİRİK.

Siz buna bankımızın istənilən filialında olarkən əmin ola bilərsiniz. Satışın yüksək həddi yoxdur, yəni Siz bizə istədiyiniz miqdarda dollar sata bilərsiniz.

Lakin bu hələ son deyil. Biz nəinki Sizdən dollarları alırıq, hətta SİZİN MANATLARINIZIN çoxalmasının qayğısına qalırıq. Necə? Çox sadə. Dollarları manata dəyişərək, Siz onları bizim bankdakı hesabınızda altı aydan az olmamaq şərtilə saxlayırsınız. 6 aydan sonra isə faiz artımına görə Sizin məbləğ illik olaraq 15% artacaq. Əgər Siz öz vəsaitlərinizi bir il müddətinə bankda yerləşdirsəniz, bu halda faiz dərəcəsi müvafiq olaraq 17%, 2 ilə - 18%, 3 ilə isə – 19% təşkil edəcək.

Lakin biz bununla da kifayyətlənmirik. Bank of Azerbaijan ÖLKƏDƏ HƏR AY BU CÜR YÜKSƏK FAİZ DƏRƏCƏLƏRİ ödəyən YEGANƏ BANKDIR!

Sadə misal gətirək. Fərz edək ki, Siz 10 000 USD-ə sahibsiniz. Siz onları manata 1 dollar = 0,8036 manat adi məzənnə ilə dəyişə bilərsiniz.                                                                       Lakin MAY aksiyasına əsasən Siz onları 1 dollar = 0,81 manat məzənnəsi ilə dəyişəcəksiniz.

10 000 * 0,81 = 8 100 AZN, və bununla Siz sadəcə məzənnə fərqinə görə 64 AZN qazanmış olursunuz, çünki adi məzənnə ilə Siz 8 036 AZN almış olacaqdınız.

Siz bu məbləği hesabınıza sizin üçün əlverişli olan müddətə və yuxarıda qeyd olunmuş tariflərə uyğun olaraq yerləşdirirsiniz. Və nəticə etibarılə hər ay faizlərinizi almaq imkanını qazanırsınız.

Artıq vəsaitlərinizin hansı valyutada saxlanılması haqqda düşünməyə dəyməz! Onları bizdə ƏN YÜKSƏK MƏZƏNNƏ ilə dəyişin və HƏR AY DİVİDENTLƏR əldə edin!

 

29 Aprel 2009 / 10:35  Bank of Azerbaijan yeni filialını açdı

Bakı Beynəlxalq avtovağzalının ticarət kompleksinin ərazisində Bank of Azerbaijan-ın 23 saylı filialının rəsmi açılış mərasimi baş tutdu. Açılış mərasimində Bank of Azerbaijan-ın idarə heyətinin sədri Xəyal Şərif-zadə, idarə heyətinin üzvləri, eləcə də filialın rəhbərliyi və əməkdaşları iştirak etdilər.
Beləliklə, filial şəbəkəsini təkmilləşdirmək və optimallaşdırmaqla, bank filliallarının genişləndirilməsi siyasətini həyata keçirməkdə davam edir.
Bank of Azerbaijan-ın filialı ticarət kompleksinin əhali üçün rahat və avtovağzalın istənilən nöqtəsindən kifayət qədər əlçatan bir sahəsində yerləşir. Filial əhaliyə hesablama-kassa xidməti, valyuta mübadilə əməliyyatları, təcili pul köçürmələri, əhalidən əmanətlərin qəbulu, mikrokreditlərin verilməsi kimi xidmətlərin geniş spektrini təklif edir. Avtovağzalın ərazisində plastik kartlar üçün nəzərdə tutulmuş POS-terminallar və iki bankomat da fəaliyyət göstərir. Filialın 13 əməkdaşdan ibarət yüksək ixtisaslı personalı hər bir müştəriyə diqqətli yanaşaraq fərdi xidmət göstərir.
 

30 Mart 2009 / 11:00  Baş ofisin yeni ünvanı!

Əziz xanımlar və cənablar!
Sizin diqqətinizə çatdırmaq istərdik ki, artıq bizim baş ofisimiz yeni ünvanda yerləşir – H.Sarabski küç., məhəllə 657. Keçmiş baş ofisimizdə - Səməd Vurğun küç.,3 ünvanında indi üç nömrəli filial fəaliyyət göstərir.
Qeyd edək ki, Bank of Azerbaijan-nın əsas məqsədi – işimizin keyfiyyətini yüksəltmək, yəni müştərilərlə bağlı işimizin effektivliyini artırmaq, mühüm bank texnologiyaları və yüksək biznes standartlarını tətbiq etməkdir.
Buna görə də yeni ofisimizdə baş ofis və mərkəzi filial ayrıca fəaliyyət göstərəcək. Mərkəzi filial baş ofisimizin birinci mərtəbəsində yerləşir. Gülərüz personal, rahat avtomobil saxlama yeri, VİP-müştərilər üçün xüsusi otaq daim müştərilərin xidmətindədir.

20 fevral 2009 / 10:00  “Bank of Azerbaijan” biznes-kreditlər sahəsində ilin brendi adını qazandı